གང་ན་དམར་ཐིག་མང་བ་ཡོད་པ་དེར་ས་ཡོམ་གྱི་ཉེན་ཁ་ཆེ་བ་ཡོད་པ་མཚོན་པ་ཡིན་ལ། ཐིག་རིས་ནག་པོ་ཕྲ་མོ་ཞིག་གིས་བཅད་ཡོད་པ་ནི་རྡོ་གཡམ་ཆེན་པོ་དེ་དག་ཇི་ལྟར་གནས་པ་དེ་མཚོན་པ་ཡིན། ས་ཁྲ་དེ་ལ་བལྟས་པ་ཡིན་ན། བོད་ལྷོ་ཕྱོགས་ཧི་མ་ལའི་རྒྱུད་དེ་ས་ཡོམ་ཀྱི་ཉེན་ཁ་ཆེ་བའི་ཁུལ་ཡིན་པ་ལས། བོད་བྱང་རྒྱུད་རྣམས་ས་ཡོམ་གྱི་ཉེན་ཁའི་ཁོངས་སུ་ཚུད་མེད་ཀྱང༌། ལོ་ཤས་ནས་བཟུང་བོད་བྱང་རྒྱུད་དུ་ས་ཡོམ་མང་པོ་ཞིག་བྱུང་དང་འབྱུང་བཞིན་ཡོད། དེར་བརྟེན་ས་ཡོམ་དེ་དག་ཡོང་དགོས་པའི་རྒྱུ་མཚན་སྐོར་སླར་ཡང་བསམ་གཞིགས་བྱེད་དགོས་པ་བྱུང་ལ། དེ་ཡང་ལྷ་འདྲེ་གདོན་བགེགས་གྱི་གནོད་པ་སོགས་རྟོག་པ་འཆར་ཡན་གྱི་ལྟ་ཚུལ་མ་ཡིན་པར། དེང་གི་ཚན་རིག་དང་མཐུན་པའི་ལྟ་ཚུལ་ཁག་ཅིག་གཤམ་དུ་རོབ་ཙམ་བཤད་པ་བརྒྱུད། ས་གཤིས་ཐད་ཀྱི་མཁས་དབང་རྣམས་པས་བཀའ་སློབ་གནང་རོགས།
འཕྲོས་མུ་འགོད།
0 comments:
Post a Comment